خاتین قیزلر خلق ارا بیرلشو بیرامی

مناسبتی بیلن  کونگول سلطانیم

 آپه سینگلیم توتقون اولگن خان و خاقانیم مننیگ

هر زمان یادیمگه توشسنگ ققشاگای جانیم مننیگ

آفتاب صورتینگ نور ساچما گونچه سیوگیلیم

قب قرانغو دیر حیاتده ییرو آسمانیم مننیگ

 سینگه آزار یتگانیدن تنده آزار اسرو دیر

شامده اوت ساچگای فلککه آه و افغانیم مننیگ

باغلادی نور یولی نی سینگه غنیم لر قورقوبان

غیرت و باتور لیگینگ تیل لرده داستانیم مننیگ

سین شهامتده ایرورسن نسلیمیزگه رهنما

یارقین و منگو حیاتینگ ایزگو ارمانیم مننیگ

 هیچ زمانده ایگمادینگ قامت غنیم در گاهیگه

ایرته گه تاغیم تیانچیم هم نگهبانیم مننیگ

مین مبارک قول لرینگنی مهریدن تاپدیم کمال

سین مهرلی آنه سن کونگولمده سلطانیم مننیگ

با شقه بیر ذات یوق عظیمی سینگه قربان ایلاسه

 ارزیماس ساوغه ایرور حرف پر یشانیم مننیگ.

( اشرف عظیمی )

گالف- کانادا

بامـداد ـ فرهنگی و اجتماعی ـ ۷/ ۲۵ـ ۰۵۰۳

Copyright ©bamdaad 2025