محترمه آنه خانلر، مونس آپه- سینگللر، سیویملی قیزلر اسلام و علیکم

محترمه آنه خانلر، مونس آپه - سینگللر، سیویملی قیزلر اسلام و علیکم ،

گوزه ل یورتیمیزگه برچه میز آرزیقیب کوتگن کوکلم نفسی کیریب کیله یاتگن منه شو یاروغ کونلرده سیز، عزیزلریمیزنی ۸ نچی مارچ بیره می بیلن چین قلبیمیزدن مبارک باد ایتیش دن بختیار میز. بهار تاباره کوچگه کیریب، طبیعت اویغانیب باره یاتگن شو قوتلوغ ایام ده سیزلر نینگ عزیز و قدردان یوز لرینگیز، کوز لرینگیزگه باقیب، تویغو و تیله کلریمیزنی اظهار ایتر ایکن میز، بیز بهار و عیال سوزلری نینگ نه قدر اویغون و هماهنگ ایکنینی یینه ده چوقور انگله یمیز. عیال ذاتی چین دن هم اوز تمثالیده گوزه ل لیک و نفاست، ایزگو لیک و فدایی لیک کبی عالی جناب انسانی فضیلت لرنی مجسم ایتگنی گه یینه بیر بار ایشانه میز. در حقیقت بیز حیاتی میز مضمونی بولگن سیوگی و صداقت، مهر- محبت، نذاکت و لطافت کبی اینگ نازک، سیرلی تویغولرنی یره تگنی میزنینگ بی قیاص معجزه سی بولمیش عیال ذاتی سیز اصلا تصور ایته آلمه یمیز. عیال دیگنده، کوز اونگیمیزده اولا آق سوت بیریب، برچه میزنی اوز بغریده اسره ب - اوه یلب وایه گه ییتکیزه دیگن، بوتون حیاتینی فرزندیگه بخشیده ایته دیگن دنیا ده گی اینگ مقدس ذات- آنه سیماسی نمایان بوله دی. مهربان و مشفق آنه لریمیزنینگ انه شوندی بویوک خذمتینی سوز ملکی نینگ سلطانی اولوغ متفکر بابامیز علیشیر نوایی نینگ ( جسم نی قیل صدقه انا باشیغه ) دیگن حکمت لی سوزلری دن اوتکزیب افاده ایتیش نینگ اوزی قیین، دیب اویله یمن. شو معناده، عصر لر مابینیده ییر یوزیده حیات دوامی لیگی نی تامین لب کیله یاتگن عزیز و مکرم آنه سیماسی، عیال ذاتی آلدیده باش ایگیب تعظیم قیلیش برچه میز اوچون هم قرض، هم فرض دیر دیسک هر تمان لمه توغری بوله دی. حرمتلی آپه سینگلر! برچه نگیزنی 8 نچی مارچ خلق ارا خاتین قیزلر بیره می بیلن یینه بیر بار چین قلب دن تبریک لر ایکن میز. سیزلرگه جان ساغلیق سلامت لیک ، بخت و آمد ، خانه دن لرینگیزگه فیض و برکه تیله یمیز. دایما طالعینگیز بلند، رزق و نصیبه نگیز زیاده بولسین.

بير عزیز وطنداشیمز یبرگن سوزلری

بامـداد ـ فرهنگی و اجتماعی ـ ۴/ ۲۴ـ ۰۸۰۳