سـور اختـر
ښکلیه ساقي راشه چې جامونه سره پورته کړو
ورځې د اختر دي چې غمونه سره پورته کړو
راشه چې نظر مې ستا د سترګو سین کې ووینځم
راشـه چـې د عمـر آرمانــونه سره پــورتــه کــړو
راشه چې دا سرې جامې په میو کې رنګینی کړو
راشه د کنډول پر ځـای خمــــونه سره پـورته کړو
راشه چې دخم په زړه کې وینې په مستیو دي
بیا په میکـــده کې خمــارونه سره پورته کـړو
مینـه هــوسیــــږي قرباني د مینانــــو ته
ډلې د مستانو کې سرونه سره پورته کړو
یه ســـاقي راځــه چې په سکروټـــو تنـــــده ماتـه کړو
زړونه پرې خړوب کړو، سره اورونه سره پورته کړو
سور اختر ځلیږي، د ګلونو هره پاڼه کې
ووره شبنمه! چې ګلونه سره پورته کړو
کاوون توفانی
کابل (۱۳/۶/۱۳۶۳)
فرهنگی ـ بامداد۴/ ۱۳ـ ۰۷۰۸